saitalkscinema@gmail.com

నారి నారి నడుమ మురారి (2026) & సంక్రాంతి సినిమాలు

by

Sai Talks Cinema Readers కి, సినిమా ప్రేమికులు కు, సంక్రాంతి శుభాకాంక్షలు! సంక్రాంతి అనగానే గుర్తొచ్చేవి, భోగి మంటలు, గాలిపటాలు, పొంగలి & పిండి వంటలు , చుట్టాలు మరియు సినిమాలు. ఇలా ఈ సారి, మన తెలుగు సినిమా నుంచి ఐదు సినిమాలు సంక్రాంతి కి పలకరించాయి.

వాటిలో నాకు నచ్చిన సినిమాలు ఆర్డర్ వైజ్ ఇచ్చాను, ఈ ఆర్టికల్ లో..

ముందుగా, నారి నారి నడుమ మురారి మీద నా అభిప్రాయాన్ని సింపుల్ గా చెప్పేస్తాను!

నారి నారి నడుమ మురారి – మరొక్క చక్కని సంక్రాంతి సినిమా !

శర్వానంద్ మంచి నటుడు. ఏదైనా కళ్ళతోనే హావభావాలు బాగా పలికించగలడు. మంచి కామెడీ టైమింగ్ ఉన్న నటుడు పైగా, సంక్రాంతి సీజన్ అనగానే, హిట్ సినిమాలు ఇచ్చే అలవాటు ఉన్న నటుడు. అతని స్టోరీ జడ్జిమెంట్ ఎప్పుడూ బాగానే ఉంటుంది!

ఈ సంక్రాంతి కి శర్వానంద్ నటించిన…  “నారి నారి నడుమ మురారి” నాకు బాగా నచ్చింది. మొదటి సగం లో వచ్చే కామెడీ సీన్స్, నరేష్, సత్య, సుధాకర్ కామెడీ భలే వచ్చాయి. ఆ సమయంలోనే, విశాల్ చంద్రశేఖర్ మ్యూజిక్ కూడా తోడు అయ్యి, మొదటి సగం మంచి పండుగ సినిమా vibes ఇచ్చింది..

రెండవ సగం, కొంచెం నెమ్మదించినా, చివరి 20 నిమిషాలు మళ్ళీ, దర్శకుడు రామ్ అబ్బరాజు స్క్రీన్ ప్లే లో పరుగులు తీసుకుని వచ్చి, మంచి ఎపిసోడ్స్ బ్యాక్ టు బ్యాక్ రాసి, అలరించారు.

ఈ సంక్రాంతి కి, హాయిగా చూసేసే సినిమాల్లో, మొదటి వరుస లో ఉంటుంది ఈ సినిమా.

నేను, ఈ సినిమాకి 3/5 రేటింగ్ ఇస్తున్నాను!

సంక్రాంతి సినిమాలు మరియు నేను రికమెండ్ చేసే ఆర్డర్

  1. మన శంకర వర ప్రసాద్ గారు
  2. నారి నారి నడుమ మురారి
  3. అనగనగా ఒక రాజు
  4. భర్త మహాశయులకి విజ్ఞప్తి
  5. రాజా సాబ్

ఈ సంక్రాంతి చాలా మెమొరబుల్ నాకు అయితే!

ఎప్పటినుంచో, చిరంజీవి సినిమాల్లో మనం మిస్ అవుతున్న ఆయన నటన, కామెడీ టైమింగ్ ను అనిల్ రావిపూడి తిరిగి మనకి అందిస్తే… ఫ్యామిలీస్ కి చక్కని pricing లో (నారి నారి నడుమ మురారి కి hikes లేవు) ఒక్క మంచి ఫ్యామిలీ సినిమా ఇచ్చాడు శర్వానంద్!

కామెడీ అనగానే, డైలాగ్స్ చాలా ప్రధాన పాత్ర పోషిస్తాయి. అలా.. కళ్యాణ్ శంకర్, నవీన్ పోలిశెట్టి కలిపి.. మనకి చక్కని one liners ఇచ్చారు,” అనగనగా ఒక రాజు ” లో. రెండవ సగంలో.. సినిమా ఆఫ్ ట్రాక్ వెళ్ళింది కానీ, మొదటి భాగంలో ఉన్న కామెడీ ఉండి ఉంటే, అనగనగా ఒక రాజు కూడా, నారి నారి నడుమ మురారి కి మంచి కాంపిటేషన్ ఇచ్చి ఉండేది.

ఇక.. రవితేజ నటించిన.. భర్త మహాశయులకి విజ్ఞప్తి.. ఈ టైటిల్ చూసి.. పెళ్ళి అయిన వారు.. రవితేజ మనకి ఏదైనా కొత్తగా చెప్పి అలరిస్తాడు అనుకుంటే, అది పొరపాటే! మరీ నీరసంగా.. ఎలా ముగించాలో తెలియక.. lazy గా రాసి తీసుకున్న కథ ఇది.

చివరగా.. రాజా సాబ్.. ప్రభాస్ లోని free flow ను గుర్తు చేశాడు మారుతి. Climax లో హిప్నాటిజం బాగుంది.. కానీ, ప్రేక్షకుడు కి అర్థం అయ్యే విధానం లో రాసుకుని ఉంటే, బాగుండేది.. నాకు అర్థం కావడం లేదా మీకు అర్థం కావడం ముఖ్యం కాదు. అందరికీ అర్థం అవ్వడంలోనే, దర్శక రచయిత నైపుణ్యం దాగి ఉంటుంది. ఆ విషయం లో “రాజా సాబ్” ఫెయిల్ అయ్యి, ప్రభాస్ కి మరియు అభిమానులు కి మర్చిపోయే సంక్రాంతి ను ఇచ్చింది.

ఈ సంక్రాంతి సినిమాలు జోరు ఇప్పుడే తగ్గవు. ఎంచక్కా.. థియేటర్ లో, మీరు.. మీ ఫ్యామిలీ అండ్ ఫ్రెండ్స్ తో సినిమాలన్నీ చూడాలని, మీకు ఇవి మర్చిపోలేని జ్ఞాపకాలు ఇంకెన్నో ఇవ్వాలని కోరుకుంటూ…

మీ,

Venkata Sai Pakala !

4.8/5 - (11 votes)

అనగనగా ఒక రాజు (2026) : నవీన్ పోలిశెట్టి లోని Stand-up comedian ఫుల్ గా డ్యూటీ చేసిన సినిమా.

by

సింపుల్ గా..

నవీన్ పోలిశెట్టి, సినిమాల్లోకి రాకముందు.. AIB అనే నార్త్ హిందీ యూట్యూబ్ ఛానెల్ లో, Stand-up, sketch comedy , skits లాంటివి చేసేవాడు. తర్వాత.. సినిమాల్లో ముఖ్యంగా తెలుగు సినిమా లో బిజీగా మారేకా, నటన మీదే ఫోకస్ పెట్టి.. కామెడీ ను తగ్గించాడు.. అతను లోని Stand-up కమెడియన్ ను బయటకి తీసి, రెండు గంటల పాటు.. వినోదం పంచాడు నవీన్. స్టోరీ.. స్క్రీన్ ప్లే.. డైలాగులు ఆయనవే! (Mad cinema దర్శకుడు కళ్యాణ్ శంకర్ కూడా రాసి ఉండొచ్చు.. క్రియేటివ్ డిఫరెన్స్ వలన ఆయన పక్కకి తప్పుకున్నారు అంటున్నారు)

రాజు గారు.. ఏమి చేశారేంటి?

వినోదం పంచారు. జమీందారు గారి మనవడి పాత్రలో ఒదిగిపోయారు. నవీన్ ఇందులో commercial మీటర్ కూడా క్యాచ్ చేస్తూ.. చక్కని డాన్సులు.. ఫైట్స్ చేశాడు. మొదటి భాగం బాగా నవ్వులు తెప్పించాడు నవీన్. రెండవ సగంలో కామెడీ తగ్గి, స్టోరీ మొదలు అవ్వడంతో , రాజు గారు కొంచెం నీరసించినా, క్లైమాక్స్ కి వచ్చేసరికి.. మళ్ళీ బాగానే ఎంటర్టైన్ చేశారు.

చివరగా..

రూరల్ కామెడీ కి ఎప్పుడూ తెలుగు సినిమాలో స్థానం ఉంటుంది. అది కూడా పండుగకి వస్తే, మరింత ఎక్కువగా ఆదరణ ఉంటుంది. “అనగనగా ఒక రాజు” కూడా జనాలు ను నవ్వించి, బయటకి హాయిగా పంపించే సినిమానే! నవీన్ చెప్పిన సింగిల్ లైన్ డైలాగ్స్ బాగా పేలాయి. రెండవ సగంలో, స్టోరీ మెయిన్ ట్రాక్ లోకి, ఎంటర్టైన్మెంట్ బ్యాక్ ట్రాక్ లోకి వెళ్ళడం తో, కొంచెం ఆ వినోదం తగ్గినట్టు అనిపిస్తుంది. మిక్కీ జే మేయర్ ఇచ్చిన పాటలు స్పీడ్ బ్రేక్స్ లా అనిపిస్తాయి. ఎడిటింగ్ విభాగం రెండవ సగంలో కేర్ తీసుకుని, క్రిస్పీగా కట్ చేసి ఉండాల్సింది.

మొత్తానికి, కొత్త కథైతే కాదు. ఎటువంటి expectations లేకుండా చూస్తే,  రెండు గంటలు పాటు అలా ఫ్యామిలీతో నవ్వుకుని వచ్చేయొచ్చు!

I am rating this movie with 2.75/5

4.7/5 - (12 votes)

భర్త మహాశయులకి విజ్ఞప్తి! (2026) : రవితేజ కి ప్రత్యేక విజ్ఞప్తి. Take a break!!

by

సింపుల్ గా:

రవితేజ మాస్ సినిమాలు తీస్తే, ఇతను క్లాస్ సినిమాలు తీస్తే భలే ఉంటుంది ఏమో అనిపిస్తుంది. అదే ఇతను క్లాస్ సినిమాలు తీస్తే, ఇతని ఎనర్జీ కి.. మాస్ సినిమాలు చెయ్యడమే కరెక్ట్ అనిపిస్తుంది. అలాంటి నటుడు రవితేజ!

ఏంటి విజ్ఞప్తి?

చెప్తాను.. లాగ్ లేకుండా! ఇద్దరు మహిళలు మధ్య చిక్కుకున్న మొగుడు పాత్ర ఎందరో నటులు గొప్పగా నటించి, మెప్పించి మళ్ళీ అవే తీసి తుస్ మనిపించారు. అందరూ చెయ్యగా లేనిది, నేను కూడా క్లాస్ గా.. ఇద్దరు అమ్మాయిలు మధ్య నలిగే పాత్ర ఎందుకు చెయ్యకూడదు అనుకున్నాడు ఏమో రవితేజ, ఈ ఐడియా…దర్శకుడు కిషోర్ తిరుమల కి చెప్పి…సినిమా తీయించుకున్నాడు.

అంతా బానే ఉంది కానీ, అతను చెప్పాలనుకున్న విజ్ఞప్తి ఏంటానేది తెలుసుకోవడానికి, సినిమా అంతా చూడాల్సిన అవసరం లేదు. సింపుల్ గా, క్లైమాక్స్ లో.. ఎండ్ credits ముందు వచ్చే.. 1 మినిట్ డైలాగ్ చాలు.. అది చెప్పడానికి.. 2 గంటలు టైమ్, 258రూపాయలు టికెట్, 20రూపాయలు పార్కింగ్ ఛార్జ్ తీసుకున్నారు. అదేదో యూట్యూబ్ లోనో, podcast లోనో చెప్పేస్తే సరిపోయేది!

చివరగా…

సినిమా రెండు గంటలే! కానీ ఏదో మూడు గంటల సినిమా చూసినట్టు ఉంటుంది.కిషోర్ తిరుమల లోని రచయిత ను, రవితేజ సరిగ్గా జడ్జ్ చేయలేకపోయారు అనిపించింది. ఇంకో రెండు రోజులు కూర్చుని.. screenplay, దర్శకత్వం మీద దృష్టి సారిస్తే, కనీసం చూడటానికి అయినా బాగుండేది. రెండో సగంలో వచ్చే DJ mix ఏమీ కొత్త ప్రయోగం కాదు. రవితేజ energy మిస్ అయ్యింది సినిమా అంతా. నీరసంగా ఉండే రవితేజ ను ఎవరూ చూడాలని థియేటర్ కి రారు. ఇంకా క్లైమాక్స్ ఎలా ముగించాలో తెలియక.. కిషోర్ తిరుమల రాసిన సీన్.. అబ్బో! బయట టాక్ బానే ఉంది. చూస్తాను అనుకుంటే, ఒకసారి అలా అలా చూడటానికి ఒకే. కానీ ఇదేమీ కొత్త కథ కాదు. కొత్త నటనలు కావు!

I am rating this movie with 2.25/5

4.9/5 - (11 votes)

మన శంకర వర ప్రసాద్ గారు (2026)  మా చిరంజీవి లోని, నటుడ్ని మరలా ఆయనకి, మాకు పరిచయం చేసినందుకు.. ప్రత్యేక ధన్యవాదాలు అనిల్..

by

సింపుల్ గా :  కామెడీ టైమింగ్ అనగానే గుర్తొచ్చే హీరో కి, కామెడీ రాయడంలో phD చేసిన దర్శకుడు తోడు అయితే…. అదిరిపొద్ది సంక్రాంతి!

Comedy. Cringe & Anil Ravipudi

కామెడీ వ్రాయడం చాలా కష్టం. ఎందుకంటే, నాకు నవ్వొచ్చిన సందర్భం వేరే వాడికి సిల్లీ గా అనిపించొచ్చు! అప్పట్లో జోక్ కి నవ్వు రాకపోతే, కుళ్ళు కామెడీ అనేవారు..ఇప్పుడు cringe అంటున్నారు.. నవ్వించడం చేతకాని వాడే, cringe అంటూ, నవ్వించే ప్రయత్నం చేస్తాడు! Entertainment అనేది వ్రాసి, తీసి, confident గా జనాల ముందు ఉంచడం.. కొందరికే సాధ్యం! అందులో పరిణీతి చెందాడు అనిల్! 

ప్రతి పండుగకి, సినిమా విడుదల చేస్తూ.. తన పేరు మీద ఉన్న ఎంటర్టైన్మెంట్ మీటర్ కి ఎప్పటికప్పుడు సవాళ్లు విసురుతూ.. ఎదుగుతూనే ఉన్నాడు అనిల్ రావిపూడి!

ఇది కొన్ని సార్లు కుళ్ళు కామెడీ అనిపిస్తే, కొన్ని సార్లు భలే రాశాడబ్బా.. అనుకునేలా చేసే magician Anil. “మన శంకర వర ప్రసాద్ గారు” లో అనిల్ రాసుకున్న, ఎపిసోడ్స్ బాగున్నాయి! ముఖ్యంగా మొదటి భాగం! First half అయ్యేక బయటికి వచ్చి, చిరంజీవి కామెడీ టైమింగ్ ను పొగిడే ప్రతి అభిమాని , అనిల్ రావిపూడి ను ఆకాశం కు ఎత్తేస్తారు. మా చిరంజీవి లోని, నటుడ్ని మరలా ఆయనకి, మాకు పరిచయం చేసినందుకు.. ప్రత్యేక ధన్యవాదాలు అనిల్..

Star Starrrr.. Mega Starrr

చిరంజీవి ను చూస్తే, కమల్ హాసన్ , రజనీకాంత్ , శివాజీ గణేషన్ ను కలిపి చూసినట్టు ఉంటుంది అని , దిగ్గజ దర్శకులు KV బాల చందర్ గారు అన్నారు ఒక్క సందర్భంగా! Bigger than Bachchan అని నేషనల్ మీడియా రాసుకుంటూ వచ్చినా, 1980-1990 మధ్య పుట్టిన వారిలో , ఎంతో మందికి ఆదర్శంగా నిలిచినా, చిరంజీవి అంటే.. ఈ తరానికి.. insta memes మాత్రమే! మీకేమి తెలుసు రా చిరంజీవి నటన అండ్ కామెడీ అని చెప్పాలని అనుకున్నా, సరైన సినిమాలు కుదరక.. ప్రతి అభిమాని మూగబోయే వాడు!

చిరంజీవి కామెడీ టైమింగ్ అద్భుతం. ఒక చంటబ్బాయి! ఒక్క ఘరానా మొగుడు.. ఒక అన్నయ్య.. ఒక శంకర్ దాదా.. ఒక్క మన శంకర వర ప్రసాద్ గారు! బాస్, మీరు ఇలానే క్వాలిటీ ఉన్న డైరెక్టర్స్ తో తియ్యండి! మీ ఎనర్జీ, మాకు stress reliever. మీరు ఇచ్చే ఎంటర్టైన్మెంట్, తెలుగు సినిమా కి ఆక్సిజన్!

చివరగా…

సినిమాలో, అనిల్ రావిపూడి రాసుకున్న కామెడీ లైన్స్ కి, మెగాస్టార్ నటన తోడు అయ్యి, మొదటి భాగం పిచ్చి high ఇస్తుంది.. చిరంజీవి లో మిస్ అయ్యిన humour, చిలిపి చేష్టలు, ఈ సినిమాలో మళ్ళీ మనము చూసే అవకాశం వచ్చింది. రెండవ సగం(సెకండ్ హాఫ్) కొద్దిగా స్లో అయ్యింది. అంటే బాలేనట్టు కాదు. మొదటి సగం ఇచ్చిన ఎనర్జీ ఇవ్వలేకపోయింది. వెంకటేష్, చిరంజీవి కాంబినేషన్ సీన్స్ బాగున్నాయి.

ప్రతి 80s, 90s కిడ్స్, తమ పిల్లలకి లేక తర్వాతి తరానికి, చిరంజీవి కోసం చెప్పాలి.. పరిచయం చేయాలి అనుకుంటారు. ఇన్నాళ్లు సరైన సినిమాలు పడలేదు.

“మన శంకర వర ప్రసాద్ గారు ”  will definitely introduce Chiranjeevi to this Generation. And his comedy timing has been rediscovered by ANIL RAVIPUDI.

నేను అయితే, కచ్చితంగా.. చిరంజీవి ఫ్యాన్స్ గా మారబోయే తర్వాతి తరానికి ముందే ఆనందంతో, ఈ fandom కు welcome చెప్తున్నాను!

I am rating this movie with 3/5

4.7/5 - (23 votes)

రాజా సాబ్ (2026): మారుతి సాబ్. వద్దు సాబ్!

by

Psychological Thriller ఎలా తీసాడు అబ్బా మారుతి అని సందేహ పడాలో, ప్రభాస్ filmography లో, మరొక్క కొత్త కథ.. కొత్త genre అని సంబర పడాలో తెలియని సిట్యుయేషన్!

ఈ సినిమా అర్ధం కానీ వారికి, నేను సింపుల్ గా వివరించే ప్రయత్నం చేశాను ఈ రివ్యూ లో!

ఇది హారర్ అన్నారు.. హారర్ ఫాంటసీ అన్నారు.. ఇప్పుడు ఏంటి మీరు psychological thriller అంటున్నారు అనే కదా?

ఈ సినిమాలో, సంజయ్ దత్ పాత్ర కి Hypnotism ( బ్రెయిన్ కంట్రోల్ చేయడం) , Hallucinations (బ్రెయిన్ లో ఫాల్స్ /ఫేక్ ప్రపంచం సృష్టించడం) లాంటి విద్యలు తెలుసు.. ఆ శక్తితో, ప్రభాస్ ను ఎలా ఇబ్బంది పెట్టాడు అనేదే ఈ సినిమా కథ!

ముందుగా, తన మైండ్ లోకి ట్రాప్ చేసి, అందరిని హిప్నాటిజం చేయడం, లేకపోతే ఫేక్ scenario క్రియేట్ చేసి, జనాల్ని బయటపెట్టి, వాళ్ళ నుంచి, సంజయ్ దత్ తనకి కావాల్సింది చేసుకోడం ఈ సినిమా మెయిన్ థీమ్. ఇంత చక్కని psychological story ను , దర్శకుడు మారుతి నడిపించిన విధానం, రాసుకున్న screenplay బహుశా తెలుగు సినిమాల్లో, అత్యంత పేలవం మరియు నాసిరకం అన్నోచు! రాజా సాబ్ కన్నా చెత్త సినిమాలు చాలానే ఉన్నాయి, కానీ వాటిలో ఇటువంటి unique elements లేవు.. చేజేతులా , మంచి కథాంశం ను, అక్కర్లేని గ్లామర్ , పస లేని కామెడీ, చిరాకు తెప్పించే డైలాగ్స్ తో సమకూర్చి, చికాకు ను సింపుల్ గా 3 గంటలు పాటు అందించాడు మారుతి.

ప్రభాస్ నటన బాగుంది. పాన్ ఇండియా అంటూ , ప్రభాస్ లో మిస్ అయ్యిన, freeflow ఈ సినిమాలో కాస్త కనిపించింది. ఇంకా లుక్స్ విషయంలోనే అసలు సమస్య! ప్రభాస్ అంతటి అందగాడు ఇండియా సినిమా ఇండస్ట్రీలోనే ఉండేవాడు కాదు. కానీ, సినిమా సినిమాకి ప్రభాస్ స్టైలింగ్ చూస్తుంటే, ఏదీ శాశ్వతం కాదు అనిపించకమానదు.

తమన్ సినిమాలో సంగీతం ఇవ్వడం మానేసి, అలా తన దగ్గర ఉన్న అన్ని instruments మీద తలొచెయ్యి వేసి, నచ్చినట్టు కొట్టేశాడు. లిరిక్స్ వినబడవు. Mixing బాలేదు.

ఇక, హీరోయిన్స్! గ్లామర్ షో బాగా చేసినప్పటికీ, నటన ప్రభావం లేని పాత్రలు కావడంతో, పెద్దగా ఆకట్టుకోలేకపోయారు!

చివరగా..

మహేష్ బాబు – సుకుమార్ నటించిన ” 1 నేనొక్కడినే” కోసం ఇప్పటికీ అభిమానులు మాట్లాడుకుంటూనే ఉంటారు. ఆ సినిమా ట్రైలర్ బాగా కట్ చేసి, జనాల్ని ప్రిపేర్ చేసుంటే, థియేటర్స్ కి వచ్చిన ప్రేక్షకుడు ముందే రెడీ అయ్యేవాడు అని చాలా సందర్భాల్లో ఆ సినిమా నిర్మాతలు చెప్పారు. సుమారు 12 ఏళ్ల తర్వాత , అటువంటి థీమ్ తో వచ్చిన రాజా సాబ్ కి ఇదే మేజర్ ఇబ్బంది.

ప్రేక్షకుడిని సిద్ధం చేయడంలో ప్రమోషనల్ కంటెంట్ విఫలం అయ్యింది. ఈ సినిమాలో psychological కాన్సెప్ట్ కు కావలసినంత weightage ఇవ్వకపోవడంతో, చివర్లో వచ్చే climax మరీ పేలవంగా ఉంది. మాములుగా చూస్తే, సంజయ్ దత్ ఇచ్చిన చిక్కు నుంచి, ప్రభాస్ బయటపడే సీన్స్ కి విజిల్స్ పడాలి. అంత స్కోప్ ఉంది కూడా ఆ సన్నివేశం కి.. కానీ ఆ కాన్సెప్ట్ కోసం దర్శక రచయితలు ఎక్కువ సేపు మాట్లాడకపోవడం, జనాలకి అర్ధం అయ్యేవిధనంలో చెప్పకపోవడం, ఇంగ్లీష్ terms ఎక్కువ అవ్వడంతో.. ఈ సినిమా గతి, స్థితి ,పరిస్థితి..అగమ్య గోచరం గా మిగిలింది.

నేను పెద్దగా ఎంజాయ్ చేసిన సీన్స్ ఏమి లేదు.. హిప్నాటిజం, Hallucinations concept బాగుంది. కొంచెం వర్క్ చేసుంటే, భలే ఉండేది ఏమో రాజా సాబ్.. ప్రస్తుతానికి మాత్రం,” వద్దు సాబ్ ” అనిపిస్తుంది.!

I’m rating this movie with 1.5/5

4.3/5 - (20 votes)

అఖండ 2 : తాండవం : ఏం వాడకం అయ్యా!

by

ఒకరమైన స్పైడర్ కుట్టడంవల్లన Peter Parker స్పైడర్ మ్యాన్ గా మారినట్టు, తన ప్లానెట్ నుంచి భూమి మీదకి సూపర్ పవర్స్ తో వచ్చి, కెంట్ క్లార్క్ సూపర్ మ్యాన్ గా మారినట్టు.. ఈ సినిమాలో..  బాలయ్య.. శివుడి గణం వలన.. Hyper Super Heavy Skilled war machine గా మారి.. సెకండ్ హాఫ్ లో చేసిన రచ్చ అంత ఇంత కాదు. అయితే, అది మరీ పరిధి మించి ఉండటమే ఇక్కడ ఇబ్బంది.

ఏముంది సెకండ్ హాఫ్ లో..

ఎనర్జీ ఉంది. ఫిజిక్స్ ను తలకిందులు చేసే స్టంట్ ఉన్నాయి.. ముఖ్యంగా, శివుడి ఉగ్రరూపం బాలయ్య లా కనిపించి, చేసిన రచ్చ, అఖండ పార్ట్ 1 లో సగమే చూస్తే, ఇందులో ఫుల్ లెంగ్త్ సినిమా లా చూపించాడు బోయపాటి శ్రీను.

ప్రతి క్యారెక్టర్ హైపర్ గా రియాక్ట్ అవ్వడం, అక్కడ నుంచి సీన్స్ బిల్డ్ చెయ్యడం.. బోయపాటి కి కొట్టిన పిండి. అతని స్టైల్ ఆఫ్ మేకింగ్, ఇండియా లోనే ఎవరూ ప్రయత్నించలేరు. సినిమా సినిమాకి, బోయపాటి.. యాక్షన్ ను ఓవర్ ది టాప్ చేయడం వలన, విమర్శకులు చేతికి చిక్కినట్టు అవుతోంది.

అఖండ గా బాలయ్య బాబు నటన అద్భుతం! బాలయ్య అంటేనే లాజిక్ లేని ఫైట్స్. పేజీ పేజీలు డైలాగ్స్. ఇందులో, బాలయ్య ద్వారా, సనాతన ధర్మం మరియు దాని ప్రభావం చెప్పే ప్రయత్నం బాగుంది. కానీ, కొంచెం పరిధి దాటిన యాక్షన్ వలన, అవేమి చివరికి గుర్తు ఉండవు, ప్రేక్షకుడు కి.!

సింపుల్ గా…

జై బాలయ్య అంటూ థియేటర్ లోకి అడుగు పెట్టిన ప్రేక్షకుడు ఏమి కోరుకుంటాడో, అదే వడ్డించాడు బోయపాటి! ఇంటర్వెల్ నుంచి సెకండ్ హాఫ్ అంతా, క్లైమాక్స్ తో కలుపుకుని, MLA బాల మురళి కృష్ణ పాత్ర 30 సెకండ్స్ కూడా లేకపోవడం పెద్ద ప్లస్. సినిమా అంతా, శివుడు trance లోకి తీసుకుని వెళ్ళే ప్రయత్నం చేశారు టీమ్. తమన్ ఇచ్చిన బ్యాక్గ్రౌండ్ స్కోర్ బాలేదు. బాలయ్య స్క్రీన్ మీద చేస్తున యాక్షన్ ను, తారా స్థాయికి తీసుకుని వెళ్ళడంలో తమన్ విఫలం అయ్యాడు! (బహుశా ఇది మొదటిసారి ఏమో!)

శివుడు వచ్చి చితికి నిప్పు పెట్టడం, బాలయ్య – ఆది పినిశెట్టి మధ్య వచ్చే సన్నివేశం, దేవుడు లేడు అనే సిట్యుయేషన్ కి తీసుకుని వచ్చి, జనాలు కి బాలయ్య హితబోధ చేయడం లాంటివి బాగున్నాయి.

చివరిగా..

స్క్రీన్ మీద ఉన్నది శివుడు అని చూస్తే, సినిమా మీకు పర్వాలేదు అనిపించే అవకాశం ఉంది. బోయపాటి శివుడ్ని ఈ రేంజ్ లో వాడుకున్నాడా అనిపించి, ఆ ట్రాన్స్ లో కొంచెం పాజిటివ్ గా బయటకి వస్తారు.. ఎందుకంటే దేవుడు ఏమైనా చెయ్యగలడు ! Anti gravity షాట్స్ అన్నీ దేవుడు మాయలో కొట్టుకుని వెళ్ళిపోతాయి!

అదే స్క్రీన్ మీద ఉన్నది బాలయ్య అని చూస్తే, ఇంకెప్పుడు రా తెలుగు సినిమా మారేది అనుకుంటూ, బోయపాటి ని కూడా కొంచెం తిట్టుకుంటూ వచ్చే అవకాశం కూడా లేకపోలేదు..

నేను అయితే, సినిమా లో శివుడి కి , శివ తత్వం కి కనెక్ట్ అవ్వడం వల్లన, నాకు పరవాలేదు అనిపించింది.

I’m rating this movie with 2.5/5

4.5/5 - (19 votes)

Train Dreams (2025) – Netflix: ఏడుస్తారు. నాది గ్యారంటీ!

by

ఇది Netflix లోకి వచ్చిన కొత్త ఇంగ్లీష్ సినీమా.  ప్రపంచ ప్రఖ్యాత పొందిన నవల ఆధారంగా రూపొందించిన సినిమా ఇది.

ఈ సినిమా చూడాలి అనుకునే వారు, మొబైల్ పక్కన పడేసి, laptop, లేదా టీవీ ముందు అలా కూర్చుని, ఏమి ఆలోచించకుండా చూడటం మొదలు పెడితే, సినిమా ప్రధాన పాత్రధారి, “రాబర్ట్ ” మిమల్ని తన ప్రపంచంలోకి నవ్వుతూ తీసుకుని వెళ్తాడు. కానీ, కొంచెం సమయం ఇవ్వండి, ఆయనకి.

సినిమా చూడటానికి సమయం లేని వారు ఈ రివ్యూ చూసి, సినిమా లో విషయం తెలుసుకోవచ్చు! ఈ సినిమా ఎమోషనల్ గా చాలా డెప్త్ ఉన్న కథ. నాకు ఉన్నంత పరిజ్ఞానం లో రాయడానికి ప్రయత్నిస్తాను!

కథ ఆరంభం.

తను ఎప్పుడు ఎక్కడ పుట్టాడో, తెలియని ఒక్క వ్యక్తి “రాబర్ట్” . అతను ఒంటరిగానే జీవితం గడుపుతూ ఉంటాడు. ఆయన ఒక లాగర్( అడవిలో చెట్లు కొట్టి, అమ్మి డబ్బులు సంపాదించే పని). ట్రైన్స్ లో వేరే ఊరు కి వెళ్లడం. అక్కడ అడవుల్లో , ఒక కంపెనీ కి చెందిన వారితో కలిపి పని చేయడం, చెట్లు నరకడం…అమ్మడం ఇదే అతని పని. ఈ ప్రక్రియ లో, ఆయన “గ్లేడిస్” అనే అమ్మాయిని కలుస్తాడు. తను కూడా ఇష్టబడటం తో, పెళ్ళి చేసుకుంటారు. అడవిలో దూరంగా ఒక చిన్న ఇల్లు కట్టుకుని నివసిస్తారు. వారికో చక్కని అమ్మాయి పుడుతుంది. జీవితం లో ఒంటరి తనం తప్పితే, ఇంకేమి చూడని రాబర్ట్ కి, ఈ జీవితం చాలా నచ్చుతుంది. తను , పని మీద చెట్లు కొట్టడానికి వెళ్ళినా, తన భార్య, కూతురు మీదే ధ్యాస!

మళ్ళీ.. లాగింగ్ సీజన్ మొదలు అవ్వడం తో, రాబర్ట్ , తన భార్యకు “బై” చెప్పేసి,  అడవి వైపు బయలుదేరుతాడు. మేము కూడా మీతో వస్తాము అని చెప్పిన భార్యకు, అది “చాలా ప్రమాదకరమైన అడవి. మీరు ఉండండి ఇకడే”, అని అతను బయలుదేరుతాడు! 

అడవిలో, చెట్లు కొట్టే సమయంలో చిన్న ప్రమాదం వల్లన, తనతో పని చేసే మిత్రుడు గాయపడుతాడు. అతడ్ని మామూలు మనిషిని చేసే ప్రక్రియలో, జీవితం తనకి కూడా ఏదో విప్పత్తు రాసి ఉంచింది అనుకుంటాడు రాబర్ట్. ఈ సమయంలోనే రాబర్ట్ తిరిగి తన ఊరికి వస్తాడు. అక్కడే… ట్రైన్ దిగుతుంటే.. అడవి చుట్టూ పొగలు.. మంటలు వ్యాపించి ఉంటాయి..

దిగులుగా ట్రైన్ దిగి, రాబర్ట్.. గ్లేడిస్, గ్లేడిస్ అంటూ అరుచుకుంటూ అడవిలోకి వెళ్తాడు. చుట్టూ మంటలు. పొగ. అతనికి ఊపిరి కూడా ఆడని దశ. అయినా, తన కూతురు, భార్య కోసం అడవిలోకి వెళ్తాడు రాబర్ట్.

ఎదురు చూపు…

అడవిలోకి వెళ్ళిన, రాబర్ట్ తన కూతురు, భార్య కనిపించక పోవడంతో.. చుట్టూ చూస్తాడు. అడవిలో కార్చిచ్చు కి, బుగ్గి బుగ్గి అయ్యిన తన ఇంటి దగ్గర కూర్చుని ఉంటాడు రాబర్ట్. వాళ్లకోసం వాళ్లు ఇంకా తిరిగి వస్తారు అని నమ్మకంతో రెండేళ్లు పైనే, ఆ అడవిలో, బయటికి వెళ్లకుండా దొరికింది తింటూ.. వాళ్ళ కోసం ఎదురు చూస్తాడు, రాబర్ట్.

Acceptence మరియు grief..

వాళ్లు ఇంకా తిరిగి రారు.. అడవి మంటల్లో, చనిపోయారు అని తనని తాను ఒప్పించుకుని, జీవితం లో ముందుకు వెళ్లడానికి ప్రయత్నిస్తాడు రాబర్ట్. తన దగ్గరకి వచ్చిన, కుక్కల్ని పెంచుకుంటాడు. తిరిగి మరలా, చెట్లు కొట్టే ఉద్యోగం కి వెళ్తాడు. అక్కడ ప్రపంచం అంతా మారిపోవడం తో, తను ముసలి వాడ్ని అయిపోయాను అనుకుని, ఇంకా ఈ పని ఒద్దు అని, ఊరికి వచ్చేసి.. గుర్రం కొంటాడు రాబర్ట్. జనాల్ని గుర్రాల మీద అడవిలో నుంచి బయటికి డ్రాప్ చేస్తూ ఉంటాడు. తన ఒంటరి జీవితం లో, చెట్లు, పక్షులు శబ్దాలే తన ప్రపంచం. తన భార్య, కూతురు కోసం ఆలోచించని రోజు ఉండదు, రాబర్ట్ కి.

ఒంటరి గా పుట్టాము. ఒంటరిగానే పోతాము..

జీవితం లో ఎన్ని కష్టాలు చూసినా, ఎన్ని ఆనందాలు తన దరికి వచ్చినా, రాబర్ట్ జీవితంలో , కష్టాలు ఎక్కువుగా, ఆనందాలు తక్కువుగా ఉంటాయి. చివరగా, మారిన ప్రపంచం చూసి వద్దాము అని సిటీ కి వస్తాడు రాబర్ట్. కాంక్రీటు బ్రిడ్జి మీద ట్రైన్లు.. ఆకాశం లో విమానాలు.. థియేటర్ లో నాటికలు…ఇలా ప్రపంచం ముందుకి వెళ్ళినా, తను మాత్రం ఆ అడవిలో, తన భార్య కూతురు కోసం ఎదురు చూస్తూ, అతను కట్టుకున్న ఇంట్లోనే, నిద్రలో చనిపోతాడు  రాబర్ట్.

తన మంచం మీద ఆకులు…పువ్వులు.. గడ్డి మొలిచినట్టు చూపిస్తాడు దర్శకుడు( చాలా రోజులు అయినా, తన కోసం ఎవరూ రాలేదని, చెట్లు , పువ్వులు కి ప్రపంచం ఎప్పుడూ బాగుంటుంది అనట్టు..) ప్రకృతి కి పుట్టి…ప్రకృతి తో బ్రతికి.. ప్రకృతి లోనే ఊపిరి వదిలేస్తాడు.. రాబర్ట్. !

ఇంకా సినిమాలో, హృద్యమైన సన్నివేశాలు, పాత్రల కోసం నేను మాట్లాడలేదు! తను ఎదురు చూసే, కూతురు తన కోసం ఒకరోజు రాత్రి  వస్తే, అది కల, మాయో తెలియక అతను పడే బాధ వర్ణనాతీతం! 

చూసేయండి!  హాయిగా ఒంటరి తన్నాన్ని ఫీల్ అవ్వండి!

I’m rating the film with 4/5

5/5 - (3 votes)

The Life of Chuck (2025) – Prime Video

by

I will live my life until my life runs out. I am wonderful. I deserve to be wonderful

Says the lead character as a child to himself when he gets a chance to see his future. But will he live his future according to his will?

I hope you might have watched the film. If not,  watch it and come here to find the answers. (You might read it now and watch it later too but It’s full of spoilers)

1. Apocalypse and Grief

The movie starts with showing that California is sinking, Earth is shattered, there are bill boards everywhere ” 39 glorious years of Chuck” . ” Thank you, Chuck” . Everyone wonders, who is this person Chuck and how is the universe ending linked to CHUCK? Because, the universe falls apart , Bigbang shows up, yet the universe thanks CHUCK. Who is he?

You might wonder why characters in the first act , show weird confused expressions. The ending and final act sums up the multitudes.

“The final stage of grief is acceptance and waiting for it. ”

2. I will my life until my life runs out yet I became an accountant

Chuck, played by Tom Hiddleston , who wanted to live his life to the fullest, becomes an accountant. He comes across a street drum player who brings the nostalgia of Chuck’s past. He wanted to be a dancer, but couldn’t somehow live up to the dreams. ( Family, Marriage might push him). The iconic dance sequence on the street comes as a surprise. It doesn’t only excite the viewers, but also the audience alike. He lived there for a moment. But he couldn’t stay there for more time.

3. Young Boy. Fresh love. New lessons and own world

He used to live with his grandparents in their victoria themed house. The house has its own secrets. Mark Hamil doesn’t want us to show any, until he gets drunk one night and says it all.

As a young boy, Chuck falls for an older girl in his dance class. Their chemistry is great but just like everything else this is temporary too.

Chuck’s real universe starts falling all at once, his close people start to leave, he becomes alone and decides to live his life to the fullest when he sees the vision of his future, lying on a hospital bed unconscious nearing death.

So, Chuck starts imagining things in his brain, creating a universe where everyone, everything falls apart when he leaves from earth.

The first act is imagination.

The second act is his life after adulthood.

The third act is his childhood which made him build the universe.

It’s one the saddest, tragic films which doesn’t get sadder at any level, yet shows the emotional depth in every act. The hope he had as a kid shattered. The Life he had as an adult ended. Even if you see your fate, you can’t change the way you end it.

I’m rating this film with 4/5

5/5 - (1 vote)

కాంత (2025) : మొదటి భాగం  సినిమా. రెండో భాగం  మిస్టరీ. అయినా, కష్టంగానే చూడాలి!

by

నాకు ఎదైన సినిమాలో, సినిమా ప్రపంచం పరిచయం చేసి, సినిమా కోసం మాట్లాడితే , ఎంతో ఆసక్తి గా చూస్తాను. అలానే, ” కాంత” ట్రైలర్ చూసి, సినిమా కోసం బాగా వెయిట్ చేసాను. దాదాపు ఒక్క నెల తర్వాత, థియేటర్ లో చూసిన సినిమా ఇది. (Oct 19, 2O25 తర్వాత, థియేటర్ లో చూసిన సినిమా ఇదే!)

సినిమాలో సినిమా!

తొలినాట సినిమా ప్రపంచం, తెర మీద కష్టం.. తెర వెనుక అహంకారం. ఇలా మొదటి భాగం అంతా, సినిమా చూడటానికి వచ్చిన ప్రేక్షకుడు కి,  ఒక్క చక్కని సినిమా ప్రపంచం చూపించి బాగానే అలరించారు దుల్కర్, సముద్రఖని, భాగ్య శ్రీ! సినిమా అనే మాయ ప్రపంచం లో ఇన్ని కోణాలు ఉంటాయి అని, యంగ్ మైండ్స్ కి చూపించే ప్రయత్నం బాగుంది. ఈ సినిమా మొదటి భాగం చూసి, జీవితంలో ఏమి అవ్వాలో ఇంకా నిర్ణయం తీసుకోని వారు ఎవరైనా, ఆ ట్రాన్స్ లో దర్శకుడు లేదా కథానాయకుడు అవుదాం అనుకుంటారు. సినిమా మీద ఇష్టం ఉన్న వారు ఇంకాస్త ఎక్కువగా సినిమా ప్రపంచం మీద మక్కువ తెచ్చుకుంటారు. అంత బాగుంది మరి మొదటి భాగం!

రెండో భాగం కి ఏమైంది?

మొదటి భాగం చూసి , బాగానే సినిమా మాయలో పడిన ప్రేక్షకుడు కి, ఇంటర్వెల్ లో వచ్చే సన్నివేశం , రెండో భాగం వైపు ఆసక్తిగా ఎదురు చూసేలా చేస్తుంది. రెండో భాగం కూడా, సినిమా రాజకీయం ఉంటుంది అనుకునే వాడికి.. దర్శకుడు తియ్యనైన షాక్ తో, ఇంటరాగేషన్ అంటూ మొదలు పెడతారు. అక్కడ మొదలు అవుతుంది అస్సలు సమస్య! ఎన్ని సార్లు  తీసినా, మర్డర్ మిస్టరీ కోణం ఎప్పుడూ బాగానే ఉంటుంది. పైగా సినిమా సెట్లో మర్డర్ అంటే, ఇంకేం ఉంది? కానీ.. అక్కడ నుంచి సినిమా షిఫ్ట్ అయ్యిన తీరు. పాత్రలు చుట్టూ అల్లుకునే డ్రామా, ఏమాత్రం సంబంధం లేకుండా ఉంటాయి!

మొదటి గంట ఏమి చూసామో, చివరి గంట ఏమి చూస్తున్నామో, డిసైడ్ కాలేక , థియేటర్ కి వచ్చిన  ,ప్రేక్షకుడు నిరుత్సాహం పడటం కనిపించింది. రానా కి ఏమైంది? తన నటన మితి మీరి ఉండటంతో పాటు, ఓవర్ ది బోర్డు ఎమోషన్స్ తో కథని అక్కడ అక్కడే తిప్పుతూ, మొదటి భాగం ఇచ్చిన అనుభూతి నీ చెరిపేస్తారు .

చివరగా..

విడి విడిగా చూస్తే, సినిమా ప్రపంచం ఒక్క ఆలోచన. మర్డర్ మిస్టరీ ఒక్క ఆలోచన. సినిమా సెట్ లో మర్డర్ మిస్టరీ అనేది కొత్త ఆలోచనే! (అగస్టా క్రిస్టీ నవలలు ఆధారంగా వచ్చిన సినిమాలు లోనూ ఇలాంటి వింత మిస్టరీస్ ఉంటాయి). దర్శకుడి ఆలోచన కి సరిపోయే స్క్రీన్ ప్లే, సంభాషణలు లేకపోవడం, పాత్రలు నడిచే తీరు పేలవంగా ఉండటంలో, రెండో భాగం ఈ సినిమాని కిందకి నెట్టేశాయి అనే చెప్పాలి.

నాకు అయితే, ఈ సినిమాలో, నటి భాగ్య శ్రీ పాత్ర బాగా నచ్చింది. ఆమె నటన అమోఘం! దుల్కర్ గురించి తెలిసిందే. ఎలాంటి పాత్రనైనా ఇట్టే పట్టేస్తాడు. అది సినిమా హీరో పాత్ర ఐతే మరీను..

నాకు ఈ సినిమా మొదటి భాగం బాగా నచ్చింది. సినిమా ప్రపంచం, అక్కడి సన్నివేశాలు బాగా ఆకట్టుకున్నాయి.

నేను ఈ సినిమాకి 2.25/5 ఇస్తున్నాను!

4.9/5 - (14 votes)

తెలుసు కదా/ K Ramp / Dude : నేను బాగా ఎంజాయ్ చేసిన సినిమా ఏది అంటే ?

by

ఒక్కే రోజు .. మూడు సినిమాలు..

దీపావళి అంటేనే , పటాకాలు , చిచ్చుబుడ్డిలు మరెన్నో జ్ఞాపకాలు . ప్రతీ పండుగకి , సినిమా వాళ్ళు ఏదో రూపం లో మనకి hi చెబుతూనే ఉంటారు. అలా ఈ దీపావళి కి , మూడు తెలుగు సినిమాలు , ఒక్క తమిళ డబ్బింగ్ సినిమా విడుదల అయింది. ఒక్క సినిమా అంటేనే ముందు ఉండే నేను , నాలుగు సినిమాలు అంటే , నా ఆనందానికి అవధులు లేవు! నిన్న ఒక్క రోజే నేను మూడు సినిమాలు ( తెలుసు కదా , K RAMP , DUDE) చూశాను. (ఈ మూడు సినిమాలు కి కలిపి కలెక్టివ్ ఎక్స్పీరియన్స్ చెప్తున్నాను మరియు నేను సినిమాలు చూసిన ఆర్డర్ లో రాస్తున్నాను )

ముందుగా తెలుసు కదా..

“తెలుసు కదా” .. ప్రముఖ కాస్ట్యూమ్ డిజైనర్ “నీరజ కోన ” రచించి దర్శకత్వం వహించిన సినిమా “తెలుసు కదా.” అమ్మాయిలు రాసుకునే కథల్లో,ప్రేమ పెళ్ళి…పిల్లలు.. పప్పీ లు ఇవన్నీ కామన్ . మొదటి 20 నిమిషాలు ఇలానే సాగింది కథ.. కానీ ఆ తర్వాత , నీరజ కోన,  తనలోని రచయిత , మెచ్యూరిటీ కు పదును పెడుతూ.. కథని నడిపించిన తీరు అద్భుతం.

అమ్మాయి సినిమా తీసారు కాబట్టీ, అబ్బాయిలు కి వ్యతిరేకం గా తీసి ఉంటారు అనుకోకండి! ఇందులో సిద్దు పాత్ర లోని క్లారిటీ.. అందులో dimensions, నాకు తెలిసి.. ఏ రచయిత కూడా హాండిల్ చెయ్యలేడు! సిద్దు పాత్ర కి కావాల్సిన క్లారిటీ ఇస్తూ, confusion మొత్తం ఇద్దరు హీరోయిన్లు కి ఉంచేసి, సినిమా ను భలే నడిపించారు నీరజ!

అనురాగ్ బసు తీసిన,” లైఫ్ ఇన్ మెట్రో ” చూసి.. మన తెలుగు వాళ్ళు ఎందుకు, జీవితం కి, ప్రేమకి కొత్త గ్రామర్ ఇచ్చే పాత్రలు రాయరు అనుకునే వాడ్ని. బహుశా రాసినా, accept చేసే విజ్ఞత, digest చేసుకునే మెచ్యూరిటీ ఈ తరం కి లేదు అనుకున్నారు ఏమో! EVV సత్యనారాయణ గారి ” ఇంట్లో ఇల్లాలు.. వంటింట్లో ప్రియురాలు “రిలీజ్ అయినప్పుడు కూడా,  అప్పటి తరంలోను విపరీతంగా accept చేసిన వారు ఉండే ఉంటారు!

ఇది ఒక్క రివెంజ్ డ్రామా అన్నాడు సిద్దు. ప్రేమ ఉన్నప్పుడే రివెంజ్ కూడా ఉంటుంది. కంటెంట్ అయితే బోల్డ్ కాదు. కానీ పాత్రలు నడిచే తీరు మనం రెగ్యులర్ గా యాక్సెప్ట్ చేసేలా ఉండవు! అవి హాండిల్ చేసే emotional intelligence మీకు ఉంటే, ఈ సినిమా చూడండి! లేదంటే.. OTT వరకు వెయిట్ చేసి, అప్పుడు జడ్జ్ చెయ్యండి! నన్ను మాత్రమే కాదు. సినిమా ను కూడా. ఎందుకంటే….” తెలుసు కదా”

( ఈ సినిమా కు నా పూర్తి రివ్యూ కూడా ఒక్క లుక్ వెయ్యండి ! )

I’m rating this movie with 3/5.

తరువాత , కిరణ్ అబ్బవరం నటించిన , ” K RAMP “

కిరణ్ అబ్బవరం .. పెద్ద నటుడు ఏమికాదు . తన సినిమాలు లో కథలు , తాను తీసుకునే ఛాలెంజింగ్ పాత్రలు , ఆడియన్స్ కి కొత్త అనుభవాలు ఇస్తూ ఉంటాయి. అలా , అతను చేసిన K RAMP, నవ్వులు బానే తెప్పించింది .

ఇది సాదాసీదా కుర్రవాడి కధ. మనం తరచుగా చూసే డబ్బు ఉన్న నాన్న , spoiled brat అయిన కొడుకు కథ. మొదటి హాఫ్ అంతా కాలేజీ episodes కాస్త బోర్ కొట్టించినా , ఇంటర్వల్ దగ్గర హీరోయిన్ పాత్ర లోని కొత్త కోణం , సినిమా కి, హీరో పాత్ర కి మంచి మైలేజ్ ఇచ్చింది.

ఇక , సెకండ్ హాఫ్ మొదలు అవుతూనే , కామిడీ టచ్ ఇస్తూ , హీరోయిన్ పాత్ర కి ఉన్న , (PTSD disorder ) ని జనాలకి పరిచయం చేస్తూ, కాసేపు నవ్వులు బాగానే తెప్పించాడు దర్శకుడు జైన్స్ నాని.

మారుతి తీసిన , ” ప్రేమ కథ చిత్రం ” లోని హీరోయిన్ దెయ్యం పాత్ర టెంప్లేట్ లో , ఒక్క మెంటల్ disorder ని పెట్టి , సినిమా ని తీశారా అనే డౌట్ వస్తుంది. స్క్రీన్ మీద పాత్రలు మనల్ని అలరిస్తూ ఉంటాయి. నరేశ్ కామిడీ కొంచెం మితిమీరి ఉంటుంది. సినిమా లో , adult డైలాగ్ లు బోలెడన్ని ఉన్నాయి. కాబట్టి , సినిమా చూసే ముందు వీటికి సిద్దపడి ఉంటే , సెకండ్ హాఫ్ లో ఎంటర్టైన్మెంట్ మీకు నచ్చుతుంది.

I am rating, K- RAMP with 3.25/5

(సమయం లేనందున పూర్తి రివ్యూ ఇవ్వడం కుదరలేదు . త్వరలోనే అప్డేట్ చేస్తాను )

ఇక చివరిగా , తమిళ డబ్బింగ్ సినిమా , DUDE

ప్రదీప్. తమిళ దర్శకుడు ( జయం రవి నటించిన కోమలి ) మరియు నటుడు ( లవ్ టుడే , డ్రాగన్ ). ధనుష్ పెద్ద సినిమాలు తో బిజీ అయిపోవడం , అల్లరి చిల్లరి పాత్రలకి , తమిళం లో సరైన నటులు లేకపోవడం తో , ప్రదీప్ హవా నడుస్తోంది ఇప్పుడు. “డ్రాగన్ ” మన తెలుగు వాళ్ళకి కూడా నచ్చడం తో , ఈ సినిమా ని తెలుగు లోనూ బాగానే ప్రమోట్ చేశారు. మ్యూజిక్ డైరెక్టర్ Sai Abhyankkar పాటలు కూడా బాగుండటం తో, రిలీస్ కు ముందే యువత లో మంచి క్రేజ్ తెచ్చుకుంది ఈ సినిమా. కానీ ..

సినిమా మాత్రం ఆకట్టుకోవడం లో విఫలం అయింది. స్క్రీన్ మీద పాత్రలు over the top ఎమోషన్ పండిస్తూ , కనీసం, సినిమా కి వచ్చిన ఆడియన్స్ ఏమి ఆశించి వచ్చారో , మాకు అనవసరం అనట్టూ , సినిమా తీసుకుంటూ వెళ్లిపోయారు. ! ఇది ఆర్య 2 కథే. ! ఆ కథానే మళ్ళీ తీసి , తెలుగు లో డబ్ చేసి విడుదల చేయాలనుకోవడం , నాకు ఆశ్చర్యం గా అనిపించింది.

నేను అయితే ఈ సినిమా ని చూడమని రికమెండ్ చెయ్యను. OTT లో కూడా కష్టమే!

I am rating this movie with 1.5/5

(సమయం లేనందున పూర్తి రివ్యూ ఇవ్వడం కుదరలేదు . త్వరలోనే అప్డేట్ చేస్తాను )

సో.. మూడు రివ్యూలు చదివారు కాబట్టి , నేను బాగా ఎంజాయ్ చేసిన సినిమా ఏదో మీకు అర్దం అయ్యే ఉంటుంది . పర్సనల్ గా నేను ” తెలుసు కదా ” ని బాగా ఎంజాయ్ చేశాను. కానీ , అందరికీ నచ్చే కంటెంట్ కాకపోవడం తో , ” K – RAMP” ను రికమెండ్ చేస్తున్నాను. ఇవి గొప్ప సినిమాలు అయితే కాదు. కానీ పండుగకి , అలా వెళ్ళి సరదాగా చూసి వచ్చేయడం లో అయితే ఏమి హాని చెయ్యవు ! 🙂 మరి మీకు ఏ సినిమా నచ్చిందో కామెంట్ చేయండి !

4.8/5 - (15 votes)